WILLEMSTAD Sèptèmber 2013: – Resientemente Carnaval Casino a tene su rifa semanal di plaka kèsh den su kampaña ‘Lokura di Plaka’. E kampaña aki den korto tempu a sá di bira e kampaña di mas popular entre esnan ku ta bishitá Carnaval Casino. Tabata djasabra último ku a tene e sorteo semanal di e kampaña kaminda tur partisipante tabata tin oportunidat di gana premionan efektivo. E sorteo a konta ku un total di 3 felis ganador di kual 2 a gana Naf. 500.00 kèsh kada unu i e premio gordo di Naf. 1000.00 ku a bai pa Sr. Winston Petronella. Ta bon pa menshoná ku e kampaña ‘Lokura di Plaka’ lo ta válido te dia 12 di òktober pues bishitá Carnaval Casino awe mes i risibí un kupòn pa kada 15 punto ku bo akumulá riba bo karchi di miembresia, hungando riba e slòt mashinnan tambe lo bo risibí un kupòn. E siguiente sorteo lo tuma lugá djasabra 21 di Sèptèmber próksimo pa 10’or di anochi. Kòrda tuma nota ku tur esnan ku a depositá nan kupòn di e kampaña ‘Lokura di Plaka’ den e buzon na Carnaval Casino lo mester tei presente durante di e sorteo ku un identifikashon válido. E siman aki tur kliente tin oportunidat di gana 2 bes 1000 florin i 4 bes 500 florin. Pa e sorteo final dia 12 di Òktober lo tin oportunidat di gana 10000 florin, 5000 florin, 2000 florin i 1000 florin kèsh. Carnaval Casino ta invitá tur miembro pa spar kupòn i partisipá na e kampaña di ‘Lokura di Plaka’ ku chèns di gana plaka kèsh. Pa mas informashon tokante e reglanan di ‘Lokura di Plaka’ por pasa na e “Players Center” den Carnaval Casino òf yama 435-5089. Pabien na e felis ganadornan.