E celebracion di e “Dia Internacional di Personanan di Edad” e aña aki den anticipacion di e di tres conferencia di Nacionnan Uni riba “Housing and Sustainable Urban Development (Habitat III) cu ta tuma lugar na aña 2016, lo enfoca riba e impacto di e desaroyonan nobo den comunidad pa adultonan di edad avansa y riba e impacto di e hendenan di mas edad den comunidad.

E mudamento di hende pa ciudad mas grandi rond mundo ya ta tumando lugar riba un ritmo record cu 6 di cada 10 persona. Di cual ta spera cu nan lo bay habita den zonanan di ciudad pa aña 2030. Di acuerdo cu e fenomeno di ‘urbanisacion’, e cantidad di personanan di edad ta aumentando rapidamente den e zonanan di ciudad di e paisnan den desaroyo.

E efecto combina di ambos fenomeno ta nifica cu e cantidad di persona riba 60 plus cu ta biba den ciudadnan por aumenta hasta mas di 900 miyon pa aña 2050. Esaki ta un cuarto parti di e total poblacion di ciudad den e paisnan den desaroyo.

Na un principio, e tendencia aki ta ofrece e personanan di edad tur perspectiva pa mehora nan calidad di bida. Ciudadnan cu un bon planificacion tin mas oportunidad pa ofrece y genera bon entrada/salario, educacion, adicionalmente di vivienda mas accesibel y cu seguridad pa personanan di edad incluyendo aparatonan ‘age friendly’ den establecimentonan publico. Esaki ta inclui tambe acceso na transporte fisicamente mas facil, lihe, afordable y safe; cual tur esaki ta loke ta stroba nos grandinan pa ta mas independiente y participativo den comunidad.

E celebracion di aña 2015 ta pretende di demostra cu apesar di edad, por tin un agenda pa move den un ciudad sostenibel na bienestar comparti entre tur.