Willemstad, Teatro Luna Blou lo ta presente na Building Depot dia 26 i 27 di aprel awor di nueb’or di mainta pa tres’or di atardi. Pa asina promové e kampaña” I love Luna Blou”. E kampaña a wòrdu inisiá pa teatro por hasi mas produkshon. P’esei nos lo tin vários show den henter Building Depot. Ta posibel pa koperá ku Teatro Luna Blou den forma di kompra di un steker na balor di 5 florin òf donashon di montante deseá den nos buzonnan ku lo ta presente na e eventonan. Lo tin diferente presentashon kaminda lo bo por gana pa gana un steker di deskuento adishonal pa pega riba un produkto deseá na Building Depot. Tur hende ta keda kordialmente invitá pa dos dia di teatro den Building Depot. Kòrda sali tempran pa bo bin disfrutá ku nos i yuda nos yega nos meta pa hasi mas produkshon. Pa mas informashon por bishita nos página wep :www.lunablou.com òf yama nos na 462–2209.