Celebrations pa di tres biaha na Kòrsou ta organisá “The Wedding Experience” i tambe “Wedding & Event Showcase, esaki lo tuma lugá djasabra 4 di Mei 2013 na Renaissance Curaçao Resort & Casino. Durante di mainta di 09.00 pa 12.00, The Wedding Experience lo atendé diferente aspekto ku mester tene kuenta kuné ora ta organisá un fiesta di matrimonio, esnan presente lo eksperensia e último trènt nan ku tin i haña presentashon di e Branding Partners nan Bon Aparte Flowers, Event Dimensions, Renaissance Curaçao Resort & Casino, Inspiracion Curaçao, Margil Party Rental i Celebrations. Esaki lo ta únikamente pa pareha nan ku ta bai kasa òf renobá nan matrimonio.Entrada ta kosta 95 florin pa pareha i ta inkluí un snek i drink. E Branding Partners nan lo rifa diferente premio fabuloso i lo duna deskuento formidabel na e parehanan presente. Mester inskribí adelantá i pa mas tarda 15 di Aprel 2013 dor di tuma kontakto ku Celebrations! E Wedding & Event Showcase (expo) lo habri pa públiko en general di 10’or di mainta te ku 9’or di anochi. Lo tin vários empresa ku lo showcase nan servisio i produktonan pa tur sorto di selebrashon manera, risibimentu, boutismo, kumpleaño, kasamentu, aniversario, dia di mama/tata etc. Lo tin entre otro Fotógrafo, Dekoradó di bolo, Wedding & Event Planner, Videographer, Flowershop, Party Rental, dekorado di fiesta, Makiyadó i Pelukera, Nail Stylist, Agensia di biahe i hopi mas. Durante di dia lo tin “site inspection” di Renaissance Curaçao Resort & Casino, kual ta duna e bishitantenan e posibilidat pa konosé e diferente áreanan di e hotèl na unda por tene kualkier selebrashon. Tambe lo tin na vários okashon ‘Bridal Runway Shows’ durante di dia na enkargo di Sr. Gwendell Mercelina Jr di G!EMPIRE ku kasnan di moda Adolfo Dominguez, Black Pearl Bridal i Nice People. Makiyadó i pelukera pa e okashon aki lo ta e profeshonal Franceen Denbow. Karchi na balor di 10 florin pa persona lo ta optenibel for di 2 di Aprel 2013 na Bon Aparte Flowers riba SBN Doormanweg i Samsom na Sta. Maria. E ‘booth’ nan ta kasi “sold Out”, pues tin solamente algun espasio pa komersiante nan ku ta interesá na partisipá ku un ‘booth’ na e Wedding & Event Showcase, por tuma kontakto ku Celebrations na 563-0422,
info@celebrations-cur.com , www.celebrations-cur.com òf nan página di Facebook.