Hucor Co. Holding NV a selebrá ku hubilarionan
Desèmber, 2017 – WILLEMSTAD: Resientemente HUCOR Co. Holding NV a selebrá ku diferente hubilario. Sinkuenta empleado a selebrá un total di 570 aña den servisio. Sr. Van Grieken a ekspresá djarason atardi ku ta un satisfakshon inmenso pa mira algun empleado selebrá te hasta 30 ku 40 aña den servisio i trahando tur dia ku dedikashon na e empresa i su klientenan. “E nòmbernan ta muchu pa menshoná, pero loke mi ta deseá pa boso bai kas kuné awe ta un gradesimentu for di profundo di mi kurason. Na tur ku a selebrá nan promé 5 añanan laga esnan ku a selebrá 40 aña awe inspirá boso ku anékdotanan di nos empresa. Na tur ku awe ta selebrá 25 of 30 aña di servisio, boso tambe konosé nos empresa manera boso plant’i man. Ta yenami ku húbilo pa selebrá, entre boso tur 570 aña di servisio na HUCOR Co. Holding NV.”
Durante di un atardi ameno a selebrá ku tur 50 hubilario di Hucor, KFC, Subway, Pizza Hut, Diamonds i Anpeco. Un pabien ta bai na Euselin Chirino, Endry Daal, Sharin Floranus- Martina, Charlotte Ines, Emilson Kirindongo, Jemina Laken, Shanella Leal, Fraina Mambi, Cristina Marti, Linosca Martina, Otmar Martina, Giorellie Paula, Lionel Pieters i Gianniela Samuel-Girigorie di Pizza Hut, tur huntu 135 aña den servisio. Tambe un pabien na Jershon Kleinmoedig, Erwin Martina di Diamonds i Rochelle Olaria, Soraida Margaritha i joandrick Koeks di ANPECO NV. E dos empresanan huntu a selebrá 70 aña den servisio. Hubilarionan di Subway ta, Enocelly Austriano, Jouraima Wilson, Johaila Piternella, Marwiena Decaster, Radelfa Martina, Catherine Urueta i Crista Salas- huntu nan a selebrá 55 aña den servisio. Finalmente un pabien tambe na tur hubilario di KFC i HUCOR, Helen Goeman, Charles van Grieken, Nadine Marien, Maria Martis, Shyanney Henriquez, Kerryson Mathilda, Denis Dash, Ruella Laken, Linenshka Agustien, Jacqueline Kelly, Romelia De Sena, Johnny Bernadina, Stephanie Emerenciana, Suhainy Meulens, Emeline Girigori, Dyshendro Koeiman, Minouska Hodge, Madjuska Piar, Sheandrick Solomons, Signailine Angela, Roviene Bernabela, Melvia Ignacia, Elwin Duncan i Jurseigh Leitoe- nan tur huntu 310 aña den servisio.
