Kas di Kultura ta brinda hinter komunidat di Kòrsou: Siman di Kultura 2016! E fecha di Siman di Kultura e aña aki ta di 30 di Òktober pa 6 di Novèmber. E grupo di Enfoke pa Siman di Kultura ta pueblo di Kòrsou en general. Tema di e aña aki ta ‘Herensha Kultural tangibel i Intangibel’. E liña kòrá ku lo kore den tur aktividat ta “Pasado,Presente i Futuro”. Kas di Kultura ta hasi un yamada na tur famia, bario, radio emisora, kanal di Televishon, skol, empresa di gobièrnu, empresa privá, instituto, grupo kultural i artista pa hasi grandi nos kultura i alsa nos nashon.

Durante Siman di Kultura 2016 Kas di Kultura ta:

-Pone atenshon dirigí riba diferente forma di manifestashon di Kultura di Kòrsou.
-Pone atenshon na “Herensia Kultural tangibel i Intangibel”.
-Pone atenshon na nos kultura di Pasado,Presente i Futuro.
-Apoyá Bario, Famia,Organisashon i Artista pa organisá evento kultural artístiko.
-Mobilisá hinter komunidat pa asistí na diferente evento i aktividat kultural.
-Stimulá union familiar rondó di kultura di Kòrsou.
-Promové konsiensia kultural.
-Promové i Stimulá Kultura di Kòrsou.
-Promové i Stimulá Kreatividat.
-Promové union bou di tur siudadano.
-Garantisá e derechi universal di tur siudadano riba kultura propio.

Nos ke rekordá tur persona, instansia i grupo pa manda nan programa di aktividat pa Siman di Kultura 2016. E lo sali den e (buki di) programa di Siman di Kultura. Di e manera aki tur hende por keda na altura di e aktividatnan ku lo bai tin durante di Siman di Kultura 2016. Manda bo programa te ku dia 9 di Òktober 2016 na:  simandikultura2016@gmail.com i tambe via di fax na 461-7133.  Tambe por tresé na Scharlooweg 29.

Pa kualke informashon por bèl 4347355 òf  konsultá nos ‘facebookpage’ ‘Siman di Kultura’. Kas di Kultura ta invitá hinter komunidat di Kòrsou pa “Hasi Grandi nos Kultura i Alsa nos Nashon”. Ban laga kultura di Kòrsou sigui brota den tur skina di Kòrsou di 30 di Òktober pa 6 di Novèmber 2016.