Boy Thode, Melania, Pastor Raul, Richie Rich i Edjean Semeleer
Willemstad- Dia 17 di Desèmber próksimo Parokia di La Bírgen di Fatima na Suffisant ta uni ku Telecuracao den kuadro di e proyekto E bon yu di Kòrsou pa asina presentá un konsierto di pasku úniko. E aña aki atrobe Pastor Morrison Laporte e su team a prepará nan tradishonal konsierto di Pasku di nasementu ku tei tuma lugá dia 17 di desèmber pa 7:30 di anochi ku e meta pa laga tur hende “Drenta ku e alegria di pasku den kas di Señor” preparándo nos mes pa e gran selebrashon di Pasku di nasementu kaminda nos ta rekordá nasementu di e salbador i nan a disidí di djoin Telecuracao pa asina kontribuí na e proyekto pa yuda un instansia.
Interpretenan
E konsierto di Pasku aki ku konta ku e mihó intérprete nan di Kòrsou Boy kantante i alabando e salbador i huntu kuné lo tei Pastor Raul ku su bos i su presensia ku lo ta un bendishon pa tur presente e anochi aki. Melania van der Veen manera semper un kantante ku ta kanta pa Señor ku hopi dedikashon, anto lo no tin duda ku e sorpresa agradabel di e anochi aki lo ta Hienrich (Richie Rich” Pieters kende algun siman pasá a sorprendé e públiko ku e mir’é kanta den un otro estilo i perform na un manera sublime durante di un konsierto riba Freewinds. Ademas lo bai tin un sorpresa masha agradabel e anochi aki ku tur hende lo keda enkantá kuné sigur. Huntu ku e artistanan di Kòrsou lo bai tei tambe e gran kantante Edjean Semeleer direktamente for di Aruba. Edjean ta un dje kantantenan arubiano ku tin un selekshon di 6 produkshon di pasku, pues e lo bin ku su mihó kansionnan di pasku.
Benta di karchi
Karchi ta kosta fl.37,50 optenibel na TeleCuraçao, Mensings Caminada, Koko Loko, Survey i na Misa di Suffisant, Beep Beep Pa e anochi aki lo tin diferente deurprijs Instansia o empresanan ku ta deseá na koperá ku e konsierto aki i alabes hasi un regalo ku bo empleadonan pa e temporada di fin di aña por yama 517 4646 i lo entrega e karchinan na boso. 
Ta importante pa bisa ku tur e intérprete nan ta ta duna nan aporte gratuito na e konsierto aki, di kua e fondonan ta destiná pa finalisá trabounan di instalashon di airco den Misa di Suffisant i tambe un instansia skohe pa e proyekto Bon yu di Kòrsou.