Disfrutá di ekselente sena kulinario

Djasabra promé di yüni te ku djadumingu 9 di yüni lo tuma lugá e di seis edishon di Siman di Restorant Kòrsou. Disfrutá nuebe dia di sena eksklusivo i delisioso den e mihó restorantnan na Kòrsou, pagando un preis fiho di naf. 49,50. Un ekselente okashon pa deskubrí, bishita i sera konosí ku establesimentunan kulinario. Hasi bo reservashon na e restorant eksklusivo ku ainda abo no a bishita. Manera ta e kaso tur aña, tin algun restorant ku ta partisipá pa promé bes. Te na e momentu aki un total di 34 restorant ta partisipá den e siman kulinario. Tur restorant partisipante a prepará un menú eksklusivo di tres plato basá riba nan spesialidat. Meskos ku e edishonnan anterior ta antisipá miles di persona ku lo partisipá i disfrutá di e oportunidat den kompania ameno. Manera ta e kaso semper lo tin algun restorant ku lo ta kompletamente yen ku reservashon den algun dia. Altamente rekomendabel pa reserva adelantá. Subie wepsait www.restaurantweekcuracao.comkaminda por haña tur informashon i menú di kada restorant. “Like” e paginawww.facebookcuracao.com/restaurantweek.curacaoi bo tin posibilidat di partisipá den kompetensia di potrèt i gana premionan agradabel. E di seis edishon di siman di restorant ta keda realisá ku koperashon di: Kinderkrant, Frog Media Design, Go Weekly, Drukkerij Repro, Curaçao Happy Hours Magazine, Quality Dishware, Social Lemons i Paradise FM.