Willemstad, Djadumingu 21 di desèmber 2014 Shenyo Bokshoven ta bai duna un konsierto di Pasku titulá “A Perfect Christmas”. Esaki lo tuma lugá na La Tentashon pa 8or di anochi. Temporada di Pasku ta yegando i un kustumber di nos Pueblo ta pa selebrá esaki pa medio di músikanan ku ta inspirá Pas den nos hogar. Pa e motibu aki e hoben kantante Shenyo Bokshoven, ya konosí kaba den e mundu di farándula, a bini ku e inisiativa pa trese un konsierto dilanti kaminda e lo interpretá diferente kansionnan di Pasku. Lo bai tin diferente artistanan invitá manera Rudbern Pablo, Andira Reenis i hopi mas. Esaki lo bira e segundo konsierto ku Shenyo lo presentá e aña aki. Den ougùstùs e hoben a duna un tremendo konsierto ku e meta pa hasi donashon na CliniClowns i hóbennan di Seru Fortuna. E konsierto aki tabata sumamente eksitoso. A Perfect Christmas ta garantisá di ta mesun òf mas mihó ainda. Shenyo Bokshoven, Teatro Luna Blou i La Tentashon ta invitá un i tur bin presensia e konsierto aki i selebrá ku famia i amigunan e temporada di Pasku den un ambiente di Pas djadumingu 21 di desèmber na La Tentashon. Karchi ta kosta Nafl.15 adelantá i Nafl.20,- na porta i ta optenibel na takia di Teatro Luna Blou. Pa mas informashon bishita nos facebook page: Teatro Luna Blou. Tambe por yama Teatro Luna Blou na 462-2209.