Dia 26 di novèmber 2014, ACOYA Hotel Suites & Villas, e luhoso resort nobo tan esperá na Kòrsou, a selebrá su grandioso Apertura. E evento ku a tuma lugá riba “Grande Terrace” di ACOYA, ku presensia di Minister di Turismo, Sr. Stanley Palm, huntu nos orguyonan nashonal e picher di LA Dodgers, Kenley Jansen i Hensley Meulens, eksitoso hitting coach di San Francisco Giants ganador di Serie Mundial 2014 komo invitadonan spesial! E evento ku a gosa di hopi publisidat, a konta ku presensia di miembronan prominente di gobièrnu lokal, kònsùlnan general lokal i e miembronan élite di mundu komersial di Kòrsou. Miéntras e invitadonan tabata sep nan shampaña, saboriando e hors d’oevre-nan ku e shèfkòk favorito di Kòrsou, Michael de Leur di restorant “Seasons” den ACOYA, a prepará, General manager Valerie Trenidad a duna nan un kaluroso bonbiní ku un bríndis. Tabata un anochi inolvidabel. ACOYA ta ofresé e huéspetnan un eksperensia di nivel altu den kurason di Willemstad. “Nos ta orguyoso di abri nos portanan pa huéspetnan ku ta bin gosa di kambernan den estilo moderno, Grand Resort Pools i espasionan públiko elegante,” General Manager Valerie Trenidad ta bisa. E ta sigui bisa: “E kompromiso ku nos tin pa ofresé nos huéspetnan servisio di kliente i satisfakshon, ta nifiká un kategoria nobo di akomodashon pa Kòrsou.” Nos resort enkantador pa un fakansi riba nos isla ta kubri 45000 m² di tereno trópiko birgen. E tereno ta situá rondó di un lago natural magnífiko, formá pa awa ku ta bini di un forma natural for di hinter e isla na e punto sentral aki, di manera ku e huéspetnan ta haña un bista sin igual riba awa. Komo konsekuensia ku e hotel ta situá den sentro di Willemstad, serka di Mambo Beach, mas o ménos 20 minüt for di Curacao International Airport , ta fásil pa yega e bichnan, sentronan komersial i di dibertishon mas popular di e isla. Amantenan di sambuyamentu tambe tin e bentaha ku riba e tereno tin un sentro di sambuyamentu “Free Diving Caribbean”. Sra. Trenidad ta bisa: “Nos ta orguyoso di duna servisio sin igual pa medio di un aserkamentu personal, i ta bai hasta mas leu pa sigurá ku nos ta kumpli ku nesesidatnan di nos huéspetnan i duna nan un eksperensia karibense inolvidabel.” Na ACOYA e huéspetnan por skohe for di kambernan espasioso, Suite i Villa ku ta kompletamente ekipá ku komodidat luhoso manera TV LCD, kushina kompletamente ekipá, stòpkóntakt di 220 vòlt, mashin di traha kòfi i klùis den kamber. Sobrá komodidat di e hotel ta enserá servisio di labanderia, servisio di sèrbètè, aktividatnan doméstiko, hürmentu di outo, e servisio gratis di transport vice versa pa bishitá e atrakshonnan popular den e area, i Wi-fi grátis.
Kome salú
Bishitantenan di ACOYA Hotel Suites & Villas no tin nesesidat di bandoná e tereno pa nan siña konosé e sabor di Karibe. Tur dia di siman “Seasons” Restaurant ta ofresé “kuminda di kas” europeo outéntiko, ku nan mes a prepará, ku inspirashon di Karibe. Huéspetnan i otronan por skohe pa un kuminda kompleto òf nan ta tuma un salada òf pan ku kos di kome ku pan for di e tienda. Anochi “Seasons” ta sirbi un sena ku no tin igual riba nos isla. Un kushina abundante ta haña bida komo konsekuensia di fushonnan inovativo ku un tim kulinario ku talento ta prepará. E restorant ta situá serka di e pisina i ta brinda un bista sorprendentemente bunita na tur momento di dia.
Salú i Bon Kondishon
Lotus Center for Health and Wellness ta e lugá pa kuido di kurpa, mente i alma. E huéspetnan por gosa di ehersisio intensivo den gym, riba nan mes òf bou di guia di un trainer personal disponibel einan, tuma un masashi relahante òf partisipá na un seshon di meditashon ku yoga. Tambe Lotus Center ta spesialisá den tratamentu di Spa, manera tratamentu di kara, man i pia.
Tene un Reunion Estilo Karibense
ACOYA Hotel Suites & Villas ta sirbi tambe komo un lokalidat ideal pa reunion i tur sorto di selebrashon. E plataforma di Zen Building & Celebration, idealmente situá na e lago, tin dos flur i un plataforma ku tin lugá pa no mas ku 250 persona. Huéspetnan por hasi uso di e servisio di catering i bar di “Seasons” Restaurant.
ACOYA Hotel Suites & Villas Family
Mahesh K. Daswani – Managing Director
Valerie M Trenidad – General Manager Anoushka Schoop de Barros – Executive Housekeeper
Gershwin Bronswinkel – Financial Controller Zinah Croes – Marketing & Events Manager
Henry Martijn – Sales Manager Thamara Vervuurt – Front Office Manager
Tokante Ascend Hotel Collection
E programa di miembresia di Ascend Hotel Collection a kuminsá na fin di 2008 i awor aki ta konta ku 128 hotèl partisipante na tur parti di Estádos Unídos, Canada, Europa, Sentroamérika, Australia i Karibe. E portafolio ekléktiko di hotèlnan independiente pa esnan mas pudiente ta hala e kantidat kresiente di hende ku, ora nan ta di biaha, ke profundisá nan mes den nan destinashon i ke hiba nan bida manera e poblashon lokal. Pa mas informashon, bai na www.ascendcollection.com.
Tokante Choice Hotels
Choice Hotels International, Inc. ta un frankisia di mas ku 6.300 hotèl, representando mas ku 500.000 kamber, na Estádos Unídos i mas ku 35 otro pais i teritorio. Dia 30 di yüni 2014, na Estádos Unídos tabatin 423 hotèl, representando mas ku 32.000 kamber, den konstrukshon, wardando riba konvershon, òf aprobá pa desaroyo. Ademas tabatin na mas ku 15 otro pais i teritorio 93 hotèl, representando mas o ménos 8.300 kamber, den konstrukshon, wardando riba konvershon òf aprobá pa desaroyo. E nòmbernan di marka kayendo bou di e empresa aki, Comfort Inn, Comfort Suites, Quality, Sleep Inn, Clarion, Cambria Hotel & Suites, MainStay Suites, Suburban Extended Stay Hotel, Econo Lodge en Rodeway Inn, i tambe nan programa di miembresia Ascend Hotel Collection, ta na servisio di huéspetnan tur kaminda na mundu. Choice Hotels International ta ofresé un programa di rekompensa Choice Privileges®. Ku mas ku 20 mion miembro rònt mundu, e ta un di e programanan di lealtat na hotèl den mundu di biahamentu ku ta krese mas lihé.