En espera di e inmensamente popular festival CNSJ ku lo tuma lugá fin di siman aki, Curaçao Airport Partners a krea un dushi esfera di Jazz na aeropuerto, ya ku e siman aki Kòrsou lo risibí un gran kantidat di biahero i turista na aeropuerto ku ta bishitá nos isla spesífikamente pa eksperenshá e festival di jazz. Hopi biahero ku a yega Kòrsou i bishitante ku a bin buska famia òf amigu a reakshoná kontentu den e área di Arrival ora nan a wòrdu sorpresá i yamá ‘Bon Bini’ dor di e muzik di artistanan Michael Anthony (saxophone), Alex Montero (guitara) i Igort Rivas (trompèt). Henter e siman aki lo tin un esfera di jazz na aeropuerto. Ku e inisiativa aki CAP ke sigui ofresé e biahero i bishitante un ‘Airport Experience’ positivo.