WILLEMSTAD – Porfin! Buleria e banda mas kotisá di momentu ta bishita Kòrsou pa promé biaha. Buleria, e nòmber mes ta papia pa su mes, e ta para pa Alegria, Rumba, i Ambiente! Masha tempu e rumor ta kore rònt i awor dia 8 di novèmber na Lanthùis Brievengat esaki ta bira realidat. Ai Mama Mia, Que Buleria! Lo tin ambiente sin fin, i abo tambe por forma parti di e promé edishon di e magno evento baliabel úniko aki: ALEGRIA sin fin, biba Ibiza. Pa un anochi so, bo ta biaha pa Ibiza, un isla unda tin ambiente i alegria sin fin, ku pekinan hòt, hòmbernan dushi i e drès kode sèksi a la estilo di Ibiza Full White.
DOS AREA
No pèrdè e evento úniko aki unda bo por disfrutá i pasa bon den dos área. Den e promé área lo tin Buleria huntu ku Ritmo Real di Aruba. Despues di tantísimo fiesta bon bishita na Aruba i Boneiru, awor porfin tur dos lo presentá pa promé biaha aki na Kòrsou. Ku éksitonan manera ‘Late Night Kiss’, ‘Hasi amor bailando’, ‘Laga nan yamabu kayente’ i muchu mas, Rocco, Tommy i Tyron lo pone un ambiente sin fin. Cache Deluxe tambe lo biaha pa Ibiza, huntu ku Randy, Cliff, Qshansz, i Amos. Dansa Mambo! DJ Carlito lo tei pa pone ambiente meimei di e sètnan, i buta drama a la Ibiza stail. Unda tin alegria e reinan di ambiente mester tei, e legendario nan ERA Outéntiko. Nan lo pone alegria sin fin den e di dos área ku ‘Back to the 80’s’. Bobolist tei zona! Kòrsou bo ta kla pe? Dia 8 di novèmber na Lanthùis Brievengat di 11’or di anochi pa 5’or di mainta, pues nos ta bai solo solo.
BENTA DI TICKET
Ticket pre benta ta optenibel na Beep Beep, Mensing’s Caminada, Tik Tak, i 24 Uur uit de Muur pa solamente 37,50 Florin. Ta GANGA, pues wak bo karchi awe mes. Mesanan VIP ya ta “Sold Out”. Pa VIP single por yama +5999 513 2137.
TOKANTE ‘ALEGRIA SIN FIN’
DANCE 4 LIFE EVENTS, BULERIA, DL MUSIC LAB & ELITE PROD ta bai trese e ambiente di ALEGRIA SIN FIN. Nan fiestanan ta konosí pa ambiente positivo ku hendenan nechi. Ku patrosinio di Polar, Telecuracao, Chivas i Massive, Baliadónan por disfrutá di un anochi elegante i lagabo eksperiensha un orgasmo musikal. Kòrsou, bo meresé un fiesta di taya asina, pues no lubidá di invitá bo mihó amigu- y amiganan! Pa mas informashon, bishita facebook.com/buleriaofficial.