Willemstad – February 23, 2017 – Masha hopi kara alegre por a mira huntu durante di e fiesta di Karnaval di St. Antoniusschool. E skol a gana un toká di Miniteca Argenis Huerta durante nan selebrashon di karnaval patrosiná pa CIBC FirstCaribbean. E muchanan i nan maestronan a gosa un bòl i marka nan mihó pasonan riba ritmo di e tumba “ Bati blèki” di Rei di Tumba Hubenil Tariq Hooi.

E kabes di skol Sra. Zorinda Huisden-Curiel a bisa: “E selebrashon aki a duna e muchanan un fiesta inolvidabel ku lo keda pa hopi tempu den nan mente; nos a gosa inmensamente.  Nos ke gradisí CIBC FirstCaribbean International Bank pa hasié posibel pa nos por a selebrá un tremendo fiesta di karnaval”