WILLEMSTAD – Djarason awor dia 22 di novèmber, AMAK lo selebrá otro Dia di Músiko. Na e okashon aki nos lo para ketu na esnan mas destaká den e aña ku a pasa ku lo risibí Premio Edgar Supriano. Tambe nos lo tin entrega di pen di mérito na esnan ku durante hopi aña a aportá na farándula i músika na Kòrsou.. Premio Edgar Supriano: Un premio pa stimulá músikonan ku durante aña a sobresalí. E NO ta un kompetensia. E premio mester keda otorgá primeramente na músikonan o pèrsonan ku ta ehersé un labor ku ta ligá na un instrumento musikal, manera un tokadó di kai òrgel. ( Koronanan tambe por ta nominado). Nominadonan pa Dia di Músiko 2017 ganadornan di Pen di Mérito i Premio Edgar Supriano ta:
PEN DI MERITO 2017
- Jeanette Croes
- Yeyo Calderon
- Carrol Cijntje
PREMIO EDGAR SUPRIANO 2017 TA BAI PA:
- Kantante Urban Femenino: Chayka
- Kantante Urban Maskulino: Jaido
- Kantante di aña 2017 maskulino : Randy Leroy
- Kantante di aña 2017 femenino: Lady Su
- Kantante di aña 2017 den Come-back I kansion di aña: Ivan Belfor ku e kansion Manera bo no tin otro
- Banda di aña 2017: Gentz
- Banda di Come-back aña 2017:Forsa 2
- Entertainment Band di aña 2017: 509
- Grupo di Tambú di aña 2017: Limania
Na e okashon aki banda di entrega di premio na esnan mas destaká, Presidente di AMAK, Sr. Manfred `Feko` Gomes lo tin un diskurso di órden. Músikonan i miembronan di AMAK ta keda invitá pa bin selebrá Dia di Músiko 2017
Atentamente
Direktiva di AMAK