Djasabra proksimo – 2 di Ougustus 2014 – e temporada di KJ hoops i tambe KJ smash 2014 ta bai kuminsa. Manera ya a kustumbra den e añanan anterior, e fundashon di KJ-74 ta soru di brinda e publiko presente ku un tremendo show hinka den otro. E aña aki e tema di e show di apertura ta sirko. Pues nos kier a invitá pueblo kompletu bin forma parti di e ambiente ku ta bai tin aya na SDK I tambe disfrutá di e prome dos weganan di parti voli i basket. E komishon di KJ hoops I KJ smash 2014 ta trahando sumamente duru pa e temporada aki tambe bira un eskperensia inolvidabel pa tur esnan ku ta simpatisa e deporte di basket I vòli. Nos tin ku enfatisa ku e aña aki ta bai ta e prome torneo di KJ smash (vòli) I e idea ta pa segun tempu sigui amplia I duna sosten na tur deporte ku tin mester di un man. KJ Hoops 2014 ta wordu dediká na señor Kenneth Gijsbertha. Mientras ku KJ smash 2014 ta wordu dediká na Ramiro Hart. Nos ta ke gradisi kada un di nos patronasidornan ku a kere den fundashon di KJ-74 i a sa di duna un aporte na deporte di Kòrsou, prinsipalmente Refineria Isla ku ta nos patronisador principal. Pa mas informashon por bishita nos fb pagina di kj hoops I tambe kj smash.