Willemstad, Kòrsou – Biodex Solutions Spa a habri su portanan pa sirbi tantu nos hendenan lokal komo turista ku ta bishita nos dushi isla. Situá na su fasilidat nobo na Pietermaai Parking Mall Unit#10 na Punda ta un lokalidat sentral fásil pa yega na dje. Minister di Ekonomia, sr. Stanley Palm den su diskurso a indiká ku 50% di tur persona ku ta traha aki na Kòrsou ta traha pa un empresa chikí pues ta kontentu di mira mas empresario invertí den Kòrsou. Sra Dexy Nunes a hiba palabra kòrtiku indiká kon agradesido e ta di por a habri e lokalidat aki ku sosten di su klientela i famia. A rifa 4 premio rifa lokual a kai masha na smak di tantu Prensa i Invitadonan. 2 Premio a bai pa Prensa di kual unu tabata un Hot Stone Massage. Biodex Solutions Spa a entrega e “cadeaubon “nan aki na e ganadornan mesora. Mirando ku Dia di Tata ta aserka pasa buska un “cadeaubon” libremente pa un di e hopi tratamentu nan ku Biodex ta ofresé. Biodex Solutions Spa ta ofresé tur e último téknika nan pa tratamentu di kara i kurpa manera por ehèmpel tratamentu reafirmante, limpiesa di kútis, masashi relahante, masashi “reduktivo”, masashi ku pieda kayente, manikür, pedikür y hopi mas.