Na augustus 1974 e prome McDonald’s a habri na Dr. Maalweg

Kòrsou, Ougùstùs – Arcos Dorados, e frankisia di mas grandi na mundu ku ta ópera den Latino Amérika i Karibe, ta rekonfirmá su kompromiso ku Kòrsou dor di konmemorá e di 40 aniversario di McDonald’s riba nos isla. Dia 16 di Ougùstùs, 2014 ta 40 aña pasa ku McDonald’s a habri su promé restorant aki na Kòrsou. “McDonald’s i Arcos Dorados kier a gradisí tur e personanan ku tabata i ta parti di e 40 añanan di historia aki na Kòrsou.  Esaki ta inkluí personal, mènedjer miembronan di ‘crew’, distribuidornan lokal, sosionan, gobièrnu di Kòrsou i naturalmente pueblo di Kòrsou, ku semper a demostrá hopi interes den nos restorantnan pa e kuater dékadanan aki.  Nos ta spera di por sigui sirbi nos komunidat ku kumindanan di kalidat ku hopi variedat riba nos menú pa tur nos klientenan pa hopi aña mas”, asina Gabriel Serber, Managing Director di Arcos Dorados Caribbean Region a bisa. E promé McDonald’s di Kòrsou a habri su portanan dia 16 di Ougùstùs, 1974 na Dr.Maalweg.  Aktualmente tin sinku McDonald’s, kuater McCafe i un Desert Center operando aki na Kòrsou. Esun restourant mas resien ta McDonald’s Sta.Rosa, ku a habri su portanan na 2011. Esaki tabata e promé McDonald’s den 16 aña ku a habri riba Kòrsou i e promé for di dia ku Arcos Dorados a drenta den e merkado lokal na aña 2007. “Arcos Dorados resientemente a hasi un invershon pa asina drecha y kambia e imágennan di tur nos restorantnan riba nos isla i de e forma aki nos ta keda invertí dor di krea mas oportunidat pa trabou na mas ku 270 hende lokal”, Gabriel a sigui bisa. “E parti di mas importante ta nos empleadonan. Nos ta promové desaroyo profeshonal pa asina yuda nos empleadonan progresá, engrandese nan sabiduria i asina por tin éksito den un futuro karera. Un bon ehempel ta Jennifer Poulina komo nos Operations Supervisor aki na Kòrsou ku a demostrá nos promesa i kompromiso na talentonan lokal”, Gabriel a bisa. Nasi i biba aki na Kòrsou, Jennifer Poulina a kuminsá su karera ku McDonald’s na Hulanda kuminsando komo ‘crew’.  Despues di esei e la wòrdu promové pa ‘Crew trainer’ i ‘Shift Manager’.  Despues di su regreso na Kòrsou na 2012, Jennifer a kuminsá traha na Arcos Dorados komo ‘trainee’ i pronto despues di esei e la bira mènedjer di McDonald’s Sta.Rosa.  Jennifer a wòrdu promové pa ta ‘Marketing and Training Coordinator’. For di Mei 2014, e la wòrdu nombra komo ‘Operations Supervisor’ pa McDonald’s Kòrsou. “Mi ta hopi orguyoso di por ta parti di e selebrashon aki riba nos isla, i mi ta spera di por sigui duna di mi parti i pone tur mi sabiduria pa asina sigui engrandesé e operashon di McDonald’s riba nos isla, i mas importante mi lo purba di semper ta un modelo positivo den nos komunidat”, asina Jennifer Poulina, Operations Supervisor pa Arcos Dorados na Kòrsou a bisa. Arcos Dorados a establesé un reputashon den su 20 merkadonan, komo lider den empleo. Dunando oportunidat di trabou i desaroyonan den nos organisashon. Ku mas ku 94,000 empleado den e region nos a risibí posishon number 9 komo e kompania di empleo mas grandi den Latino Amérika den e revista Latin Business Chronicle. Arcos Dorados tambe a risibí rekonosimentu komo e kompania di empleo mas grandi pa esnan ku ta kuminsá nan promé trabou. McDonald’s i Arcos Dorados a anunsiá den gran forma nan kompromiso pa duna bek na komunidat. Na 2008, e Ronald McDonald Children’s Foundation board a adoptá e Ronald McDonald Family Room (RMFR) na SEHOS, kual ta e promé programa di e organisashon riba na Kòrsou. Na 2011, Arcos Dorados a duna un kontribushon grandi di USD $50,000 kual a permití RMHC Curacao Foundation pa kuminsá konstrukshon di e RMFR. Desde e apertura di e Family Room na SEHOS na Mart 2012, e RMHC Curacao Foundation a sostené mas ku 3,200 famia den tempunan difísil. Pa mas informashon bishita http://www.mcdonaldsdwi.com/, sigui nos riba Twitter @Mcdonald’s_CA òf ‘Like’ nos página di Facebook McDonald’s Curacao & Aruba.