Willemstad – yüli 2016: E dia di penshonado di ENNIA ya kaba a bira un konsepto. Tur aña dia 25 di yüli penshonadonan di ENNIA ta topa otro durante e selebrashon mas popular riba dia di penshonado. E aña akí e selebrashon ta kompletamente den esfera di teatro. Diferente artista hóben di Teatro Luna Blou ta presentá e programa parti atardi den WTC. Riba e dia akí e penshonadonan por hasi tur pregunta tokante PensioenPas tambe. Ku e karchi akí penshonadonan di ENNIA por risibí te asta 25% di deskuento na diferente tienda i evento. Ku e selebrashon akí ENNIA ke gradisí su penshonadonan pa e konfiansa ku nan a pone den ENNIA durante hopi aña.

Pa di 4 aña konsekutivo dia 25 di yüli ENNIA ta selebrá dia di Penshonado. Komo ku e selebrashon akí ta hopi popular, e aña akí ta tené na un sitio mas grandi ku ta WTC. ENNIA ta spera mas o ménos 700 invitado. Di 4’or pa 7’or ENNIA ta ofresé su penshonadonan un programa ku presentashon di aktornan  hóben, dushi pasaboka, bibida i naturalmente hopi hende konosí.

E evento ta un hopi bon okashon tambe pa penshonadonan di ENNIA será konosi ku e diferente partnernan di e PensioenPas i probechá di deskuentonan atraktivo. E penshonadonan por haña inspirashon pa bishitá lugánan nobo, hasi kompra, biaha i hasi otro aktividatnan dushi. E partnernan tin regalitonan atraktivo pa e presentenan i ofertanan ku ta bálido te ku ougùstùs 2016.

ENNIA ta hasi negoshi pa mas ku 68 aña kaba den mundo di seguro. Un penshun di ENNIA ta entrada pa despues. Pa mas informashon tokante e produktonan di penshun di ENNIA, manera un penshun di biuda òf di wérfano, bo por tuma kontakto ku un di nos konseheronan, bo bróker of online via www.ennia.com