ORANJESTAD, Aruba – 26 di april 2016: Aruba Bank a realisa un bishita di sorpresa diamars merdia na e cas di Juan Chabaya Lampe, conoci cu Padu del Caribe, cu ta celebra 96 aña di edad. Na un forma spontaneo, e banco cu ta carga nomber di nos pais, a hiba un bolo y un regalito pa e “tata di nos cultura”. Y no por a falta e cantamento, pa asina hunto grita “hiep hiep hiep….hoera” cu e miho deseonan pa e tin hopi mas bida y salud pa ta hunto cu nos pa hopi aña mas. Pabien!