Demostrando sosten na hubentud y deporte di Aruba. Diasabra ultimo a batisa e uniformnan

ORANJESTAD, Aruba – 21 di april 2016: Demostrando asina su sosten na hubentud y na deporte di nos isla, Aruba Bank a presencia e ceremonia oficial di bautismo di e uniform nobo di e team di futbol di hende muhe di Estrella. Representante di Aruba Bank, Suzette Bareño, a bisa cu banco ta masha orguyoso di por sostene deporte, pero cu enfasis riba e liga di e ser femenino. E ceremonia a tuma luga na veld di Estrella na Santa Cruz, caminda cu a efectua e acto di bautismo den presencia di e hungadonan y nan famia. Un palabra di pabien ta bay na e team di Damas di Estrella cu nan uniformnan nobo. Aruba Bank, orguyosamente ta mustra su sosten na e deporte rey, Futbol.