Curaçao North Sea Jazz ta partisipá, ku dia 2 di yüli 2015 nos lo bai parti e karchi grátis na esnan ku bin buska nan karchi. E evento aki ta tuma luga na Banda Abou, na Hòfi Popo Rojer na Barber i ta start 1or di mèrdia te ora e kantidat di karchi kaba. Pa e dia aki Hòfi Popo Rojer lo ta ful ekipá i e Banda di Aktualidat ERA lo basha piesa den Hòfi Popo Rojer huntu ku DJ Argenis Huerta. Entrada pa e ambiente den Hòfi lo ta 5 florin i tur e rekoudashon aki lo bai pa un organisashon di Banda Abou. Klaro ku paden i pafo di Hòfi Popo Rojer, e ambiente lo ta tremendo i Bar i kushina lo ta bon surti, manera Banda Abo uso por. Kada persona ku bin buska karchi tin derechi riba un(1) karchi.