Willemstad – Ya kaba oyentenan di radio emisoranan ta skuchando algun piesa nobo di e agrupashon musikal top, GIO Fuertisimo. I Love GIO Manera ta konosi e produkshon ta karga e nomber di I Love GIO. E disko kompakto aki ta konsisti di 10 piesa varia den ritmo y melodia tambe varia den bos di Dibo D, Rasta Le, Djuric Virginie y Gibi Doran. Y tambe kolaborando ku GIO pa prome bes e hoben Gilltaly Doran (14 anja) tin e piesa titula “Skucha mi bon” kual lo tambe lo bini den forma di un video clip. Pues sin duda komo amante di bon musika i fanatiko ku a kustumbra di disfruta di GIO, bo mester pasa na bo diskobar faborito, kumpra bo produkshon pa asina apesar di ta parti di bo kolekshon, bo por disfruta den bo outo, kas, ofisina i kaminda bo ta di e bon musika di e Fuertisimonan di GIO. Musikonan orguyoso Sin duda Gibi Doran i e demas famia Fuertisimo ta mas ku orguyoso ku e logro aki. Hopi tempu, pasenshi i amor a wordu inverti den esaki speshalmente pa pueblo di Korsou i tur fanatiko di GIO i ta spera ku un i tur ta apresia esaki. Un petishon ta bai na tur hende pa kumpra bo produkshon original i no kopia. ‘Apesar ku un kompakto ta laga e musika ta mas serka di e amante di bon musika i fanatiko, un produkshon ta un parti di e promoshon di e banda. Pesei GIO a riska apesar di tur kos, saka un produkshon tog “tabata palabranan di Gibi Doran”. Un danki na un i tur ku di un of otro manera a kontribui pa e produkshon aki bira realidat. Un danki na fanatikonan, na prensa y tambe sponsornan ku ta kargando e banda anja aden i anja afo durante di 20 aña, paso sin bosnan lo no tin GIO!