WILLEMSTAD – Na 1965 ta e aña ku Avila Chef Itel Cicilia a kuminsa su karera den horeca. Na e aña ariba menshona ela kuminsa na Piskadera Bay club I sigi su trajektoria ( entre otro na Van der Valk, Château Suisse, La bistroelle, Fort Nassau, freewinds) i 11 aña pasá ela drenta servisio na Avila Hotel.

Awe tardi lo bai tin un homenaje pa Itel Cicilia di parti Avila Hotel I CHATA (Curaçao Hospitality and Tourism Association) durante un edishon speshal di Happy Hour na Avila’s Schoonerbar. Un detaje kurioso ta ku Itel a nase na februari 1949, e mes un luna I aña ku Avila Hotel a habri su porta nan pa prome baiha. Tantu Itel I Avila Hotel a selebra e aña aki nan 66 aña. Den su añanan na Avila Hotel, Itel ta tin e honor pa kushina pa no menos ku 3 generashon di kasa Real Hulandes. Pa su Altesa difuntu Prinsesa Juliana, pa su Altesa Prinsesa Beatrix I su Mahestat Rei Willem- Alexander. Pa un temporada largu Itel a fungi komo chef den kushina na Blues I aktualmente e ta chef di desajuno.