… Renaissance Curaçao Mall & Rif Fort i Carnaval Casino ta invitábo…

WILLEMSTAD –  Pa algun aña kaba e kampaña di fin di aña ku ta hala mas tantu atenshon ta esun di Renaissance Curaçao Mall & Rif Fort i Carnaval Casino, “Island Xtravaganza”. Awe, entre 5:30 di atardi i 7’or di anochi lo tin presentashon di Ephrem J huntu ku Gilmar Fraites, siguí pa e sendementu di lusnan navideño na Renaissance Curaçao Resort. E ‘Christmas Lighting Ceremony’ lo duna apertura na e temporada di fin di aña; aki ta na unda ku públiko por disfrutá di e dekorashon navideño ku tur aña di nobo Renaissance ta pèrkurá pe. Pa aproksimadamente 7’or lo duna inisio na un show di moda, na unda lo desfilá lo último den fashion pa e dianan di fiesta benidero. Awe, djabièrnè tur establesimentu na Renaissance Mall & Rif Fort lo ta habrí te ku 9’or di anochi. For di awe ya kaba tur kliente ta risibí kupòn na kada kompra di 25 florin òf  pa kada 25 punto akumulá riba nan karchi di miembresia di Carnaval Casino p’asina nan por partisipá den e sorteo final di “Island Xtravaganza” ku lo tuma lugar dia 27 di desèmber próksimo. Un i tur ku bishitá Renaissance Mall & Rif Fort i Casino pa shòp, relahá òf purba e suerte lo tin oportunidat di forma parti di e kampaña aki ku chèns di gana premionan fabuloso.