Willemstad – Despues di mas o ménos tres luna, di preparashonnan intenso, tur kos ta práktikamente kla pa e hazaña ranka sali. Porfin e gran dia a yega ku e konosido Robertico Martha ta bai buta un rekòrt mas bou di su nòmber. E biaha aki Robertico lo toka 80 ora non stòp superando e 56 ora di dos aña pasa. Tur kos ta tuma lugá na mesun sitio, esta Ole Ole i entrada ta kompletamente grátis. Ta bon pa nos rekordá un i tur ku e máratòn aki ta bai pa un bon kousa; rekoudá fondo pa SGR Groep. Na Ole Ole ta bai tin un buzon kaminda un i tur ku pasa por depositá e loke nan por i asina kontribuí na esaki. Un danki ta bai na un i tur ku di un manera òf otro a kontribuí pa awe e máratòn aki por ta posibel. Un danki di kurason na tur spònser. I alabes kordial invitashon na pueblo di Kòrsou pa pasa. Kòrda ku Ole Ole e ta keda habri 24 ora, aktividatnan ta sigui normal. “When we reach out to celebrate and appreciate others, we will always receive more than we give.”