Porfin e gran dia a yega, si porfin e temporada di “Jump In” ta bai kuminsá. Awe 31 di yanüari lo bai ta e promé “Jump In” di temporada di Karnaval 2014. Grupo di Karnaval Dushi Aventura lo habri e porta pa tur amante di karnaval i en partikular gustadornan di “Jump In” kuminsá bula, baila i gosa. Kabes Grandi “Jump In” lo bai bira E “Jump In” di aña. Tur karchi a kaba na TDS i a sobra un par di karchi na Beep Beep Rio i tambe na “24 uur uit de muur” na rason di ANG35.00. Tambe lo bai tin algun karchi na porta, paso aki no tin kuenta di T-shirt, aki ta yega gewoon tur na kolo i bin bula baila gosa ku GIO, TUNE i ERA for di 8:00 di anochi te 2:00 di mardugá. Bar lo bai ta na preis di “Happy Hour” henter anochi, paso e intenshon ta pa abo pasa dushi sin tin ku keda pòtmòni blo bashí. E kushina su pan ku stoba lo ta tei presente sin lubidá e sòpi pa bedei e kabes grandinan despues di bula baila ku e 3 gran agrupashon musikal nan aki. No lubidá, ku ta un bataya e 3 banda nan aki lo bai buta pa kuminsá midi forsa pa e gran Festival di Tumba 2014. Lo bai tin un sorpresa pa kada persona na entrada di e “Jump In” aki. Un rekordatorio ta bai pa tur hende warda nan pida karchi paso e ta un coupon di ANG50.00 pa bo uza bek na TDS. Ganga riba ganga, pues hasi uzo di e oportunidat aki pa habri bo temporada di “Jump In” den gran forma. Dushi Aventura ta wardabu awe 31 di yanüari for di 8:00 or na Rust & Burg, pa bin gosa di GIO TUNE i ERA pa solamente ANG35.00. Pa mas informashon por yama 540-5617