WILLEMSTAD – Dushi notisia pa miembronan di Fun Miles. Awor por troka Fun Miles tambe na e kadena pa e eiskrim di mas dushi na Kòrsou: Baskin-Robbins. E kompania aki, di orígen di California, ta mundialmente konosí pa ta esun di mas grandi den su estilo i ta rekonosé speshalmente pa su surtido di 31 sabor di eiskrim, ku no solamente ta hopi dushi pero tambe ta kreativo i sorpresivo. Baskin-Robbins tin un reputashon sólido pa su dushi bolo nan. Otro notisia ku ta pone bo boka kore awa ta ku tur hende ku den e luna di introdukshon aki troka Fun Miles na Baskin-Robbins tin chèns kada siman di yüni pa gana un ‘Royal Round Cake’.

Tokante di Baskin-Robbins

Baskin-Robbins tin filial na Santa Maria, Brievengat, Punda i Saliña. E negoshi tin su orígen na California kaminda e la kuminsá na aña 1945 ora ku e dos suanan Burton “Burt” Baskin i Irvine “Irv” Robbins a disidí pa habri negoshinan di eiskrim ku sabornan spesial i un ambiente yamativo pa hinter famia. Miéntras tantu Baskin-Robbins a krese bira e kadena di eiskrim mas grandi na mundu ku kasi 7.000 lokalidat den mas ku 50 pais. Baskin-Robbins ta bende e smaknan mas gustá internashonalmente manera ‘World Class Chocolate’ i ‘Strawberry Cheesecake’, pero tambe sabornan faborito manera ‘Green Tea’ i ‘Rum Raisin’. Kada lokalidat ta ofresé e kalidat i variedat di Baskin-Robbins ku a hasié e sentro pa eiskrim aki un éksito mundial.

Saboriá i gana!

Por troka Fun Miles na Baskin-Robbins pa entre otro bola di eiskrim, cones i shakes. Tur  hende ku troka Fun Miles promé ku 30 di yüni ta partisipá outomátikamente na e rifa semanal den kua kada siman por gana un ‘Royal Round Cake’.

Mas informashon tokante di Fun Miles?

Tuma kontakto ku servisio di kliente na 465-3300 òf bishitá nos ‘online’ na funmiles.net òf facebook.com/funmiles