WILLEMSTAD: Djasabra awor dia 24 di yüni, Banco di Caribe i Universal Motors/Global Motors ta invitabo pa bo kumpra e outo di bo deseo. Bishitá e showroom di Universal Motors/ Global Motors na Junostraat #6, entre 9’or di mainta i 3’or di mèrdia i probechá di e popular ‘Enjoy Your Ride Outoshow’ ku interes super spesial. Durante di e outoshow lo tin diferente modelo di outo marka KIA  manera e Rio, e modelo di mas nobo di Picanto, Soul, Sportage, Sorento, Cerato i Carens).  Nissan, ta ofrese modelonan manera Frontier, Versa, Qashqai, Xtrail, March, Note i Kicks.

E KIA Picanto, no tin mester di niun introdukshon. E ta un gran faborito di hóben i adulto.  Ademas, pa djasabra awor e ta na un preis super spesial.  E Picanto ku su Power steering, Full wheel cover i Power lock ta konsiderá komo un di e outonan popular di Kòrsou. Su tamaño no mester keda supestimá; esaki ta un outo di multi-uso. Pa esnan ku ta gusta e Nissan Kicks, tuma nota ku for di 670.80,- pa luna ya kaba e por ta dibo! E ‘Kicks’ tin su ‘push-button’ pa start, bluetooth i hands free pa telefon i tambe Alarma i immobilizer. E Nissan Kicks ta kuminsá na Naf 43.995.

Tur ku ta deseá di kumpra un outo nobo djasabra awor  i ke un pre-aprobashon ‘on the spot’ lo mester trese e último 2 slepnan di salario, identifikashon bálido i deklarashon di doño di trabou ( no mas bieu ku dos siman). Den kaso ku e kliente no tin un kuenta di Banco di Caribe ainda, mester trese e dos último estadonan di kuenta tambe. Kumpra un outo nobo na un bon preis, interes spesial i ku posibilidat di finansiamentu te 7 aña. Pa informashon general di bo fiansa pa outo, bishitá www.bancodicaribe.com òf yama Banco di Caribe na telefon 432 3200.