…E soño di tin bo mes kas ta bai bira realidat …

WILLEMSTAD- yanüari 2016: Nan ta bisa deseo kumplí, ta bida largu! Si bo tin e deseo di tin bo mes kas, Banco di Caribe ta yudabo ku esaki. Djasabra awor dia 30 di yanüari lo tin un dia abrí na e proyekto di bibienda ‘Amerika Village’, organisá pa Blokkenfabriek Balentina i Freelands Properties. Por bishitá e proyekto di 10’or di mainta te 3’or di atardi. Klientenan eksistente i nobo di Banco di Caribe por atmirá e kasnan di ‘Amerika Village’ i risibí informashon i konseho tokante di hipoteka.  

E proyekto di bibienda ‘Amerika Village’ ta konsistí di 14 kas nobo ubiká na Amerikaweg nst. 122 na Sta. Maria. Por skohe di 4 diferente modèl di kas ku sea 2 òf 3 kamber. Preisnan di kas den ‘Amerika Village’ ta varia di ANG.160.000.00 pa ANG.245.000.00 inkluyendo gastu di notario. Si semper bo tabata deseá un kas propio, esaki ta un bon oportunidat! Bishitá e dia abrí djasabra awor,kana orientá i hasi tur pregunta ku por yudabo yega na bo propio kas. Pa mas informashon tokante e dia abrí aki por yama Freelands Properties na  telefon 787 9209. Pa tur sobra detaye tokante hipoteka, por bishitá e wèpsait www.bancodicaribe.com òf yama telefon 432 3200.

Ruta pa yega ‘Amerika Village’: Biniendo di e plasa na Palu Blanku den direkshon di Rooseveltweg, mester lora na e hanchi nabo man robes promé ku  Alves Supermarket. Na momento ku  mira e promé ‘drempel’ (riba Juan Hato Weg), ta lora mesora na man robes atrobe. Keda kore stret bai paden na e muraya hel na man drechi ku e nòmber ‘Amerika Village’.