Muchu drùk den siman?

Willemstad – Yüli 2015: Entrante promé di ougùstùs Banco di Caribe Saliña lo ahustá su orarionan di servisio riba djasabra, ta importante pa klientenan tuma nota di e kambio. E branch na Sambil ta habrí tur djasabra, miéntras ku esun na Saliña lo ta habrí únikamente riba e último djasabra di luna. E branch na Sambil lo ta habrí tur djasabra di 10’or di mainta te 2’or di atardi. Kliente por bishitá e branch akí pa servisio di kuenta koriente i di spar, fiansa personal, ‘credit card’, transakshon na kaha, aplikashon pa ‘online banking’. Ademas na Sambil tin dos ATM nobo di Banco di Caribe; unu na e branch mes i e otro na e ‘food court’.

KAMBIO: Banco di Caribe Saliña lo ta habri únikamente riba e último djasabra di luna di 9’or di mainta te 1’or di atardi i lo brinda únikamente servisio na kaha ku ta inkluí servisio di transakshon na. E djasabranan ku Banco di Caribe ta habri pa sobrá di e aña aki ta promé di ougùstùs, 29 di ougùstùs, 26 di sèptèmber, 31 di òktober, 28 di novèmber i 19 di desèmber. Banco di Caribe ta sigui hasi su esfuersonan pa fasilitá tur kliente ku pa kualke motibu no por bishitá banko otro dia den siman. Ta pidi pa tur kliente tuma bon nota di e fechanan menshoná.