Dia 31 di Mart próksimo, MLB su temporada di 2014 lo ranka sali i manera ta kustumber pa basta aña kaba, TDS den un manera eksklusivo lo brinda abo, amante di MLB, 80 wega pa siman riba 16 diferente kanal. Si asina mes, tur aña di nobo, tur kliente di TDS ku alabes ta amante di baseball Liga Grandi, por sigui kasi tur wega bibu for di den stadion riba 16 diferente kanal dediká eksklusivamente na e deporte aki. E asina yamá, ‘MLB Extra Innings Package’ ta brinda tur amante di e deporte aki, 2 kanal High Definition (281 i 283) plùs 14 kanal Standard Definition (961-974) pa henter e temporada regular di Baseball Liga Grandi. E aña aki, e temporada lo ta di 31 di Mart te ku 28 di Sèptèmber i e kanalnan lo pasa mas òf ménos di 80 wega pa siman. Preis pa e pakete aki ta kosta ANG 413.00 pa henter e temporada menshoná. Tambe tin e posibilidat e aña aki pa paga den 5 término na rason di ANG 90.00. E preisnan aki ta inkluso OB. Riba miembronan ku tin e TDS riba nan nòmber ku ya a kumpli 60 aña di edat, tambe TDS a kòrda. Nan ta haña un preis spesial di ANG 351.00 den 1 pago òf 5 pago di ANG 80.00 pa henter e temporada. E preisnan aki tambe ta inkluso OB. Pa promé biaha e aña aki, TDS lo ofresé 5 término di pago en bes di 4, p’asina duna tur kliente e chèns di paga e pakete segun su forsa. E posibilidat di pago den 5 tèrmino lo ta únikamente posibel den e lunanan di Mart te ku Yüli 2014 òf Aprel te ku Ougùstùs 2014. Manera ya ta un kustumber, klientenan por paga e pakete aki i tambe e otro paketenan, usando nan puntonan di Funmiles. Pago ku e tarheta di Funmiles por solamente na TDS riba Sta. Rosaweg, di djaluna pa djabièrnè durante oranan di ofisina ku ta di 07:45 pa 16:00. Alabes TDS kier a informá TUR kliente ku di 31 di Mart pa 6 di Aprel 2014, TUR kliente lo por sigui e weganan aki kompletamente grátis via di e kanalnan ya menshoná. Kòrda si ku for di dia 7 di Aprel 2014,ta solamente si bo a aboná riba e pakete, lo bo por mira e partidonan. Pidi pa bo ‘MLB Extra Innings Package’ awor na 9242 òf pasa na TDS Sta Rosa òf kualke UTS Store na Kòrsou òf Boneiru. Un biaha mas TDS ta demonstrá ku e ta i lo keda ESUN di NOS!