Saca un potret cu Papi y gana un trip pa Miami

Oranjestad, 24 di Mei 2016 – ARUBA: Tur Papi ta invita pa bishita Garage Cordia cu nan yiu riba dia 28 di mei proximo for di 9’or di mainta pa 1’or di merdia pa un campaña super special pa Dia di Tata.

Saca un potret cu bo Tata y participa pa gana un trip pa Miami cu InselAir. E potretnan lo wordo poni riba Facebook y cada Papi lo ricibi un ticket pa un chens pa gana e rifa di un fabuloso trip pa Miami.

Durante di e evento aki lo tin tambe un actividad pa recauda fondo pa cubri ayudo medico pa un persona cu tin cancer.

Garage Cordia y Toyota ta invita comunidad pa pasa na nan showroom na Camacuri, unda cu lo tin Dino Jump, Aroz con Pollo, Sults y Snacks y tur fondo recauda ta un contribucion na Koningin Wilhelmina Fonds pa yuda e cliente aki. Lo tin animacion di DJ Monks y un ambiente excelente.

“Dia di Tata ta yega tempran na Garage Cordia. Bin celebra sacando bo potret cu Papi, yena e ticket pa participa na e rifa di un trip pa Miami y contribui na un pashent cu mester ayudo medico,” segun Vanessa Hollander, Sales and Marketing manager di Garage Cordia. “Nos comunidad ta conoci pa nos compasion, empatia y pasion pa yuda nos prohimo, ban tur yuda Koningin Wilhelmina Fonds hunto cu Garage Cordia y Toyota y asina yuda e persona aki cu mester un man di nos awe.”