Klientenan a partisipá aktivamente na kampaña riba ret sosial

WILLEMSTAD: Djabièrnè último Kòrsou tabata den ‘gara’ di “Black Friday” – for di djarason antisipando e dia “Black Friday” klientenan di Digicel por a partisipá den un promoshon riba Social Media. Digicel a skonde 4 ‘karchi pretu’ kada un di 50% i tambe un ‘karchi di oro’ ku lo duna e kliente un smartphone grátis. Durante tres dia konsekutivo a duna siguidónan di e página di Facebook di Digicel diferente pista pa nan buska e karchinan ganador. E búskeda pa e ‘black ticket’ i e ‘gold ticket’ di Digicel a tèrminá djabièrnè 5’or di atardi.

Tabata Sue-Leidee Gibbs, Catalina Fernandez- Castillo, Eduardo Gutierrez ku a haña e karchinan pretu, nan a gana e oportunidat di skohe e smartphone ku nan ta deseá na 50% for di e preis regular. Un karchi no a wòrdu hañá. E karchi di oro a bai pa Evelia Hart i e tabata por a skohe un smartphone for di e portofolio amplio di Digicel, esaki kompletamente grátis! E ganadornan a risibí nan premio for di Sharvelo Felomina di Digicel. “Nos ta invitá nos klientenan pa keda pendiente di nos página di Facebook pa informashon, promoshon i tipo di kampañanan asina’ki riba Social Media. E siman aki nos lo duna tur hende chèns di gana nan karchi pa Color Events su ‘Where my Ladies, at Club 7’ tumando lugar djasabra awó den WTC. Nos ta kontentu ku partisipashon di nos klientenan den nos promoshonnan spontáneo; e “Hide & Find” a resultá un hit total! Awòki usuarionan mester keda pendiente pa nos promoshonnan pa fin di aña”.