Tur comienso di aña Brazil Taekwondo Stichting ta reuni pa discuti tocante di e premionan di aña pa e atletanan na unda cu tur hende ta haya sa kiko ta e premionan pa asina e atletanan por cuminsa lucha pa e premionan. E aña aki tabata tin hopi campeonato nacional y internacional y cada campeonato tin su peso y categoria. E aña aki Brazil Taekwondo Stichting a biaha mas cu aña pasa buscando e nivel di campeonato mas halto pa asina midi e atletanan cu tin den cas buscando medaya pa Aruba. Na Aruba tabata tin campeonatonan organisa pa Eric Barry di San Nicolas Taekwondo Center y Theo Rodriquez di Tiger Taekwondo Academy na unda cu Brazil Taekwondo Stichting a participa cu e team di Train Hard Fight Smart, pero tambe tin e parti di diciplina na unda cu e atleta mester a demonstra esaki durante di e aña. Semper sa tin un atleta cu sa saca cabes ariba e otronan y asina na luna di december a reuni pa wak kende tur a gana e siguiente premionan:

1.             Atleta infantil mas destaca di aña 2013. Rasheed Lowe

2.             Atleta di Cadet masculino mas destaca di aña 2013. Hakeem Lowe

3.             Atleta di Cadet femenina mas destaca di aña 2013. Tiarra Petrocchi

4.             Rooky di aña 2013. Danon Delamore

5.             Referee di aña 2013. Grand Master Chaco Jose Cornelio

6.             Atleta infantil mas diciplina di aña 2013. Danon Delamore

7.             Atleta hubenil mas diciplina di aña 2013. Iryaahim Delamore

8.              Mas carchi bendi di tur e actividadnan durante di aña 2013. Marwin Lont