Djaweps 22 i Djabièrnè 23 sèptèmber

Willemstad, Djaweps 22 i djabièrnè 23 di sèptèmber lo tin e presentashon ku boso tur tabata warda pe “Bringamentu formal pa stul polítiko”.

Un show kaminda lo tin diferente esena, diferente polítiko, parlamentario i mas. Dirigí pa Percey (Boskwiri) Benita i Germain (Mayeta) Jansen, huntu ku nan lo tin Edion (Loloy) Booy, Boy Bus, Marvino de Meza, Norverick ( Lagadishi Lagasdeis) Melfor. Nan lo bai laga bo mira e bèrdat di tur nos polítikonan ku ta den kontienda pa e próksimo elekshon. Susesonan prèt ku lo laga bo hari bo barika yen. Bringamentu formal pa stul polítiko, djaweps 22 di sèptèmber och’or di anochi i djabièrnè 23 sèptèmber nueb’or na Teatro Luna Blou. Karchi ta na balor di Nafl 27,50- optenibel na 24 uur uit de muur, Mensing’s Caminada, Time to Time i 3ora promé na takia di Teatro Luna Blou. Pa mas informashon por yama Luna Blou na 462-2209.