Pa di dos biaha den ochentikuater aña Kampionato Mundial di Futbòl ta bolbe yega Brazil. Sake di e promé bala ta bai bira un momentu históriko, mirando e echo ku Brazil ta e pais ku mas a pasa pa final durante 20 Kampionato Mundial. Esei lo no ke men nada otro, ku for di momentu ei, Brazil lo bira e piesa mas istóriko den futbòl mundial. E deporte ku mas ta uni humanidat. No tin ningun otro evento deportivo na mundu ku ta akapará mas tantu atenshon ku mundial di futbòl di FIFA. Meskos ku tabata e kaso durante e último 6 Kopanan Mundial, nos lo bolbe publiká un edishon speshal di e magno evento aki. E biaha aki e Buki Mundial Brazil 2014 , – ku los ser produsí atrobe den forma di un buki-, lo kontené mas dato, mas historia, leyendanan, e streanan,e skèdjel, i naturalmente análisis di tur e 32 paisnan partisipante na Mundial Brazil 2014. Un produkshon ku tei surpasá 148 página! E promé wega di Mundial Brazil lo tuma lugá riba 12 di yüni próksimo
miéntras e partido final pa disputa ken lo ta e pais kampeon lo tuma lugá, nèt un luna despues, riba 13 di yüli. Buki Mundial 2014 tin un sirkulashon di 15.000 ehemplar i lo ser distribuí na tur toko, fruteria, supermerkado i libreria. E espektativa pa e buki ta grandi, manera semper. Ademas e uso di e buki lo dura mas ku un luna largu i esaki riba un base kontinuo manera eksperiensha ta mustra. Pa nos komo miembro di e tim di produkshon, Peppie, Glenn, Lilo Sulvaran, Quincy Maduro i Orlando ‘Broertje” Reenis lo ta un honor pa bolbe produsí e gran obra aki ku ya a bira un “collectors item”.