WILEMSTAD – Fun Miles i Bruna a bira partner, motibu pa kua un kapítulo nobo a inisiá pa miembronan di Fun Miles. Awor nan por spar i troka Fun Miles na e tienda bon surtí i yená ku hopi buki, revista, artíkulo pa kantor i pa nan hòbi. Komo kampaña di introdukshon Bruna ta rifa premionan atraktivo bou di hendenan ku hasi uso di nan karchi di Fun Miles durante luna di aprel, entre otro un mitar aña di abono riba e revista di bo eskoho i hopi Fun Miles. Tokante BRUNA For di 1868 Bruna ta un konsepto na Hulanda. Na 2007 e empresa a habri portanan di su promé filial pafó di Hulanda na Kòrsou den e sentro komersial kubrí i airekondishoná na Zuikertuin Shopping Mall. Bruna ta konosí pa su surtido amplio i aktualisá, ku ta poné di un forma visibel pa e kliente. Bruna su personal alabes ta amabel. Tur djabièrnè revista nobo ta yega ku avion i tin posibilidat pa sera un abono riba bo revistanan preferí. Bruna ta ofresé mas ku 10.000 buki via di bruna.nl. E kos úniko di Bruna ta ku bo por rekohé bo pedidanan den tienda mes, sin tin mester di paga gastu adishonal pa entrega. Bruna tin komo meta ofresé ‘fun’ na su klientenan. Muestra di esaki ta tur e kampaña i aktividatnan ku tin pa hóben i adulto, for di kompetensia di klùr te ku seshon nan di firmamentu dor di eskritornan konosí. Introdukshon ku premionan festivo Den e luna di aprel tur hende ku usa nan karchi di Fun Miles na Bruna tin chèns di gana premionan atraktivo manera entre otro 5.000 Fun Miles, 10.000 Fun Miles, un aña largu dòbel Fun Miles riba tur kompra na Bruna i mitar aña abono grátis riba e revista di bo eskoho. E rifa ta tuma lugá na komienso di mei i e ganadónan lo ser notifiká. Tokante Fun Miles Fun Miles pa mas ku 16 aña ta é programa di spar i troka di Karibe. Ku mas di 150.000 miembro repartí riba e 5 islanan, Fun Miles ta fuertemente ankrá den komunidat i ta ofresé kada biaha di nobo mas posibilidat pa miembronan di Fun Miles tin kosnan atraktivo na nan alkanse. Esaki Fun Miles ta realisá huntu ku nan partnernan ku ta varia di supermarkado te ku aerolinea, di restorant te ku pòmpnan di gasolin. Ademas por spar Fun Miles na mas ku 150 lokalidat na Aruba, Boneiru, Kòrsou, St. Maarten i St. Eustatius i por troka Fun Miles pa produkto- i servisionan grátis. Kontinuamente e miembronan di Fun Miles ta disfrutá di rebahonan i kampañanan speshal i aktividatnan inovativo (entre otro e tan konosido kampañanan di fin di aña) i di e partnernan nobo i atraktivo manera Bruna.