ORANJESTAD – Un grupo di studiante Arubiano a pasa den un susto grandi un rato despues cu nan a yega Hulanda. Nan a yega bon y a wordo ricibi dor di nan mentornan pero tambe representantenan di Cas di Aruba na Hulanda. Ora cu a drenta informacion cu un bus cu studiante a accidenta mesora a tuma contacto cu minister plenipotenciario na Hulanda. El a confirma e noticia pero den mesun rosea a bisa tambe cu tur studiante ta bon. Nan a logra sali via bentana di e bus. E bus a slip riba caminda di santo bayendo pa un boerderij. Ta parti di un prome encuentro cu e studiantenan. Na caminda ora e bus a slip el a kentel den un sloot. Alarma a wordo bati y personal di rescate, polis y ambulance a presente. Nan a atende cu esnan na e sitio. E studiantenan tabata ok aunke a pasa den un susto cu no ta agradable riba e prome dia cu bo yega Hulanda. Tin material manera maleta etc cu a muha ora e bus a kentel.  Finalmente e bus tabata tin 33 persona di cual tur entrenan e 27 studiantenan a sali ok di e incidente y nada di gravedad. E studiantenan a yega bon segun Gev Min Edwin Abath y tog e noticia aki a spantanan un rato. Nan ta cu e mentor Oslin Ras cu tabata den contacto constant cu e cabez di cas di Aruba pa asina informanan di tur loke tabata pasando. E mayornan kizas hopi sa caba di e noticia aunke Cas di Aruba tambe lo yama cada uno pa pone nan na altura. E caso aki a pasa caminda di Tsjerkeleane den Ingelum.