Amnesia New Year’s Eve 2015 ta bai bek na su ‘roots’ bailabel, unda un segundo área ta keda añadí na e magno evento, enfokando riba músika kurasoleño. Cache Royale i NSTYPLY lo tei fo’i Hulanda ku hitnan manera ‘Kroel Hasi Dushi’ i ‘Kurashi’ pa garantisa ku bo aña nobo ta habri den gran ambiente. Simpelmente, Amnesia New Year’s Eve 2015 ta priminti di bira un evento ku bo no por perde. E edishon di 2015 a keda hinka den un bachi nobo unda EDM lo topa ku Ritmo Kombina den un
selebrashon inolvidabel dirigí pa Cache Royale, NSTYPLY i DJ RO1. Portanan ta habri fo’i 1’or di madruga, i e fiesta ta tuma luga den e sala di eksibishon di WTC, kual lo keda transforma ku un ekspektakulo di lus i sonido, hibando bo bek den e era di kabaret. E banda Cache a ser funda na aña 2002 i ta keda akreditá di a hasi Ritmo Kombina popular na Hulanda. Na 2012, Cache a reinventa su konsepto pa apela na un públiko más amplio i konsekuentemente a kambia su nomber pa Cache Royale. E mes un aña, NSTYPLY a ser funda dor di Derrel de Palm i Reave Rog, éks integrantenan di Cache Royale, kende a tuma e kurashi pa hasi algu distinkto musikalmente. No muchu después, rapper i vokalista Cizzle, ORI i finalmente TSeaN a drenta e grupo, kreando un kímika musikal úniko unda a kombina elementonan di Ritmo Kombina
ku House, Zouk i asta músika Rock. E resultado a produsi hitnan manera ‘Nos Dos’ i ‘Awe N’ta P’abo’. NSTYPLY ke produsi más ku solamente tremendo músika, i ta priminti di duna un presentashon inolvidabel, mesklando humor i ekspektakulo. Riba e podio di EDM i Dance, DJ Jack Novak di Merka, lo anima e públiko ku su kontagioso músika, i DJ Alex Sargo, DJ Natsuj i pianista Gino Coelho di Korsou tambe duna un cautivante presentashon. Manera ta konosí, karchinan ta na rasón di 145 florin inklusivo O.B. i ta inkluí un ‘all inclusive’ bar. Karchinan ta disponibel na Albert Heijn, Bruna, Mensing’s Caminada, Pleincafe Wilhelmina, Fun Miles of na www.amnesia.cw. Pa mas informashon chéck nos página di Facebook.com/AmnesiaCuracao Amnesia New Year’s Eve 2015… e evento ku porta lo no korda, pero hamás lo bo lubidá!