Dia 30 di mei 2015 Campo Alegre ta kumpli 66 aña ta protehiendo e komunidat di Kòrsou. Pa e motibu aki nos ker a invitábu na un rueda di prensa pa splika e dikon a lanta Campo Alegre, kon e ta protehiendo e komunidat di Kòrsou i ki e plannan ta pa futuro. Kon Campo Alegre ta protehá e komunidat di Kòrsou. Prostitushon ta e profeshon mas bieu den humanidat i semper e ta konsentrá kaminda tin trafikashon di hende manera hafnan. Kòrsou ta konosé pa su hafnan ku ta konta den esunnan mas grandi di Mundu. For di tempu di pirata tabatin prostitushon den sentro di nos suidat. Na 1932 tabatin un promedio di 800 barku ta bishita nos haf pa luna ku mas ku 20.000 nabegante i mas òf ménos 500 persona di tránsito. “Curacao Petroleum Maatschappij” (C.P.I.M.) despues a bira “Shell Curacao” a manda buska 5000 hòmber pa traha den e refineria. Tur esaki nan tabata pone ku tabatin hopi prostitushon deskontrolá den e sentro di suidat ku konsekuensha ku tabatin hopi malesa ku tabata un menasa pa salubridat di e habitantenan, pero sin lubidá abusu di alkohòl, droga, violensia, trafikashon humano i komersio humano. E kuater hotèlnan den Madurostraat, Prinsenstraat, Columbusstraat i Brandhofstraat ku mas òf ménos 180 prostituta no tabata sufisiente i tabata okashoná hopi problema den sentro di suidat i p’esei a bin prostitutanan tabata prostituí na kasnan den hanchinan un kos teribel. Tabatin un plan pa hasi Willemstad meskos ku Amsterdam su zona kòrá pero esaki a wòrdu rechasá pa e komunidat di Kòrsou. Ora segundo guera mundial a kuminsá ku tur e trupanan stranhero na Kòrsou e ora ei si mester a buska un moda anto su ekselensia Gobernadó Van Slobbe di e tempu ei a lanta un komishon ku ta konsistí di: Voogdijraad, advocaatgeneraal, un mediko, Aalmoezenier, predikado di armada, departamentu di salubridat i Hoofd inspecteur di burgerwacht. Na 14 di òktober 1942 e komishon a presentá e rapòrt. Nan a bin ku un idea pa saka prostitushon for di den e sentro di suidat manda nan den área nan manera Muizen berg, Marie Pompoen, Piscadera i Boka Samí. Nan tabata yama esakinan openlucht bordeel. Nan a liempa sierto espasionan i e prostitutanan tabata kué nan klientenan den sentro di suidat i hiba esakinan na e lokalidatnan aki pa nan hasi nan trabou. Pa hopi rason esaki no a funshoná. Despues a bin ku un plan pa bin ku un sistema ku nan ta yama”kazenering van buitenlandse prostitutiuees na Bati paña, pero pa motibu ku tabatin plannan pa amplia e haf di Kòrsou nan a pone kaminda e ta awor aki. Na 30 di mei 1949 “Campo Alegre” a habri su portanan. Den 65 aña Campo Alegre a desaroyá un ekspertise den Kultura, komportashon sexual, seguridat, violensha, abuso di droga alkohòl, prevenshon di malesanan venériko, trafikashon humano, komersio humano i evenementu. Pa por logra esaki Campo Alegre ta konta ku un Team hopi profeshonal i eksperiensha. Awor mas ku nunka ku nos habitantenan, mas nos hóbennan pa medio di komunikashonnan ta bin riba ideanan straño ku konsekuensia un komportashon sexual desviante ku mester tin atenshon di nos outoridatnan. Ora bo mira un hende muhé, bo a gust’é, bo ta dese’é, e kos ta subi bo kabes, bo no por kontrolá bo mes mas, no hinka bo kurpa den problema, safe e den bo mente, bai serka e profeshonalnan den e lugá pa nan por satisfasébu na un manera sigur i diskreto. Despues bo ta bai kas trankil i kontentu. Otro ta ku bo ta mishi ku otro hende kaminda bo por bin hañabu ku problemanan de bo kas i su kas, problemanan emoshonal, ekonómiko, riesgo di malesa, diborsio, problema pa yunan hasta bi terminá den krímen pashonal. Ta p’esei Campo Alegre ta bai lansa un kampaña pa e hendenan no mester hinka nan kurpa den problema pero bin Campo Alegre. E kampaña ta konsistí di: 3 happy hour pa siman ku ta djamars di 21:00 – 23:00 or ku karioka, djabièrnè di 17:00 – 19:00 or i djadumingu di 18:00 – 20:00or. Happy hour ta konsistí di entrada grátis, tur serbes fl 20,00 pa six pack, pinchi wiski i ròm fl50,00 i tur 12 aña ta fl 100, kada fl25,00 ku bo gasta bo ta haña lòt riba un outo nobo, nobo , djadumingu awó ta saka rei di Campo Alegre durante e Happy Hour, asina tin hopi aktividat mas. Anto pa djasabra 30 di mei ku Campo Alegre ta hasi 66 aña ta bai tin hopi aktividat. Keda pendiente.