Willemstad – Un di e tradishonnan di fin di aña di Curaçao Airport Partners dediká na muchanan di Kòrsou ta e proyekto ‘A Christmas Gift for Each Child’. ‘Santa’s Little Helpers’ di CAP a bishitá diferente instansia i institúto ku a indiká di por hasi bon uso di e regalitonan. Bishitá e institutonan aki i eksperenshá e dedikashon di e maestronan i  guíanan pa mucha i hóben, i alabes risibí kanto i mensahenan bunita di e muchanan, tabata un regalo sumamente balioso i realmente a toka kurason di e tim di CAP. E aña aki a parti 670 regalo na mucha chiki i hoben.