Willemstad – Un di e tradishonnan di fin di aña di Curaçao Airport Partners dediká na e muchanan di Kòrsou ta e proyekto ‘Regalo pa mucha durante dianan di Pasku’. Gerensha i Empleadonan di CAP ku bus a pasa bishitá diferente instansia òf institúto ku a indiká di por hasi bon uso di e regalitonan. Einan nan a wòrdu risibí ku kanto, mensahenan bunita òf un tiki sòpi komo muestra di gratitut, kosnan ku realmente a toka kurason di e empleadonan di CAP. Riba potrèt por mira empleadonan di CAP huntu ku direktor di Kinderoorden Brakkeput na e palu di Pasku di e instituto pa hoben despues ku a yené tur na regalo. Riba otro potrèt por mira e dia na Movies ku regalo ku CAP a regalá muchanan komo sorpresa. E aña aki a parti 700 regalo na mucha chiki i hoben.