Willemstad-   Curaçao Airport Partners (CAP) a sorprendé i pone legria riba kara di mas di 600 mucha den nos komunidat ora ku e ayudantenan di Santa Claus di CAP a bishita vários skol i fundashonnan pa entrega regalo na e muchanan aki.  CAP ta komprometé ku komunidat di Kòrsou i ta konsider’é parti di su responsabilidat korporativo pa realisa e tipo di akshonnan aki.  CAP a sorprende muchanan di Huize Sint Josef, Casa Manita, Stichting Kinderoorden Brakkeput, Huize Hebron, Villa Maria/ Casa Cuna, Kresh Dede Pikiña, College Piar, Opvang na misa di Seru Fortuna, Fundashon Amigunan di Fuik i SGR groep Mr. Verriet ku regalo durante di e dianan di fiesta aki. E ayudantenan di Santa Claus di CAP a tum’é riba nan mes pa hiba e regalonan pa e muchanan i no laga e trabou pa Santa Claus hasi.  E legria riba kara di e muchanan, na momentu ku nan a risibí e regalonan tabata bisa masha hopi.  CAP i su empleadonan kier a trese un tiki legria den bida di e muchanan aki ku ta e futuro di nos pais.