Sra. Marlene Mathilda ta gana ‘Outo Riba Outo’

WILLEMSTAD:- Djaluna último Carnaval Casino a hasi entrega di e Nissan Kicks na su doño nobo, ganador di e kampaña Outo Riba Outo. Sra. Marlene Mathilda a bishitá Carnaval Casino resientemente pa risibí su outo ofisialmente. E’la keda risibí dor di ehekutivo i koleganan di e casino ku naturalmente tabata masha entusiasmá di por entregá sra. Mathilda su Nissan Kicks nobo nobo! “Nos ta masha kontentu ku e resultadonan; algu mas ku 30.000 kupòn a keda depositá den e tómbola i finalmente a toka suerte na sra. Mathilda pa e outo. Nos ta gradisí tur miembro pa nan partisipashon i ta kòrda nan sèmper pa dibertí pero na midí.”, esaki di akuerdo ku sra. Willems di Carnaval Casino.

Aña pasá, Carnaval Casino a regalá 16 outo i mas di 200,000 florin na premio efektivo, tur esaki i mas ta hasi e casino esun mas bishitá i mas gustá na Kòrsou. Gerensia di Carnaval Casino ta komprometé pa sigui duna servisio ekselente i den esaki ta inkluí algun promoshon tremendo. Keda pendiente pa e próksimo kampaña!