WILLEMSTAD/ MEI 2016– Hopi hende no por imaginá nan mes e adrenalina ku e Cash Cube ta trese kuné. Na momentu ku un persona drenta e Cash Cube di Carnaval Casino, su úniko meta lo mester ta pa purba gara mas tantu sèn posibel. Carnaval Casino lo pone 3,000 florin den e Cash Cube i un siguidó di su paginá di Facebook tin chèns di purba ‘gara’ segun su suerte den 15 sekònde.

Di akuerdo ku ehekutivonan di e casino, e partisipante lo sinti un ‘rush’ total, sabiendo ku tin $3,000 na su disposishon. E idea ta pa despues e ganador konta su eksperensia na otro siguidónan di e página di Facebook di Carnaval Casino. Ta p’esei mes, e partisipante mester tin 18 aña òf mas; si un partisipante menor di 18 aña gana, e no por laga un adulto partisipá na su lugar i ta pèrdè su chèns. Ta nifiká ku tur hende ku ‘like’ e kampaña riba Facebook, mester tin 18 aña òf mas.  Lo no permití menor di 18 aña drenta e Cash Cube. Partisipantenan lo mester ‘like’ e página di Facebook i e imágen di promoshon. Dia 27 di Mei ta saka e ganador, pa dia 28 di Mei e ganador drenta e Cash Cube durante klousura di Spin & Win.