Kontrali na tur spekulashon i rumor ku ta sigui plama, spesialmente riba e ret di medionan sosial i originá aki na Kòrsou, e artista di hubentut Chris Brown ta kontratá i konfirmá pa riba djabièrnè dia 2 di sèptèmber meimei anochi subi tarima Sam Cooke. E ta e artista programá i apuntá pa sera e di dos anochi di e di shete edishon di Curaçao North Sea Jazz Festival ku un tremendo show.

Por fabor konsiderá Fundashon Bon Intenshon e promé, e úniko i e último fuente di informashon fidedigno al respekto i pa henter e programa musikal pa e evento magnífiko aki.