WILLEMSTAD.- Djabierne nochi ‘Color Events’ huntu ku su spònser Coca-Cola a hasi entrega di e premionan korespondiente na e kampaña riba retnan sosial.

Partisipantenan mester a kanta un kansion di Ozuna i ‘up load’ esaki riba facebook. Esun ku a logra di optené mas ‘likes’ i ‘share’ den e promé konkurso a resultá e damita Christina kende a logra risibí 1200 ‘likes’ i 387 ‘shares’.

Pa e di dos konkurso, e premio a bai pa e partisipante ku a logra mas ‘shares’, ku a resultá Leiza kende a logra pa nan a ‘share’ su video na 166 okashon.

Riba e foto bo por apresiá momentu ku e representante di Color Events, Shari Schoop ta hasi entrega di premio na e ganadónan dje kampaña.