Ambiente di Pasco ta’ki: No bay cas, sin schaats!
ORANJESTAD – NOV– Entrante diabierna awor Aruba lo tin su propio ciudad maraviyoso di Pasco. Ta sigur cu e Christmas Market Winter Wonderland lo bira e centro di ambiente pa e proximo temporada. Tur aña di nobo clientenan ta cumpra e regalonan di mas bunita y e detayenan cu mas nan curason ta anhela pa pone bou di kerstboom na Renaissance Marketplace. E aña aki lo ta hopi special ya cu ta eleva e experencia di Pasco aun mas tanto.
Winter na Aruba? Asina mes!
E Christmas Market Winter Wonderland lo inclui un Merry Go Round, un Ice Skating Rink y diferente casita cu lo tey unicamente pa e temporada aki bendiendo cuminda, bebida y regalonan di Pasco. Publico por schaats tambe, esaki sigur lo ta un atraccion fantastico e temporada aki! Ademas lo tin live entertainment tur dia cu ta varia di presentacionnan di Las Unicas, Grupo di Betico, Tsunami, Le Groove, ‘N Fuzion, Claudius Phillips & OREO y muchu mas. Renaissance Marketplace ta invitabo celebra e anochinan navideño; Diabierna awor ta e gran apertura di Christmas Market Winter Wonderland cu animacion di Tsunami!
Corda Schaats!
Renaissance Aruba Resort a pone e Ice Skating Rink na disposicion di Mary Joan Foundation i ta motiva pueblo di Aruba pa schaats durante e dianan binidero pa un bon causa. Tur loke wordo genera na entrada di e Ice Skating Rink e.o huur di e sapatonan, lo bay directamente pa e fundacion. Esaki un biaha mas ta subraya Renaissance Aruba Resort su compromiso cu comunidad Arubano. E Ice Skating Rink ta ubica net mei mei di Renaissance Marketplace. No bay cas sin schaats!
Tur dia di 6’or di atardi pa 10’or di anochi
Disfruta di e temporada aki na Renaissance Marketplace, bini cu henter famia y haci un paseo den e ciudad maraviyoso di Pasco. Tur restaurant lo tin nan special pa e temporada aki, ta nifica cu despues di dinner un paseo navideño den e Christmas Market Winter Wonderland lo ta ideal! Tambe lo tin diferente actividad pa mucha, manera face painting, les di pintamento, decoracion di cuki y mucho mas. Ta p’esey ta importante pa like e pagina di Facebook di Renaissance Marketplace y keda na altura di tur cos e temporada aki. E Christmas Market Winter Wonderland lo ta habri tur dia di 6’or di atardi pa 10’or di anochi.