Kingston, Jamaica 20th December, 2017 – Den 2017 nos a konosé un temporada di orkan sumamente aktivo ku a laga vários isla den Karibe ku daño grandi despues di e orkannan Irma i Maria na Sèptèmber 2017, pero e situashon aki a enfatisá e nesesidat grandi pa desaroyo riba tereno di infrastruktura ku e focus riba resistensia, asina Nigel Holness Managing Director, CIBC FirstCaribbean International Bank di Jamaica a duna di konosé, Sr. Holness tabata un di e oradónan na e foro di Infrastruktura Karibense (Caribbean Infrastructure Forum/CARIF), ku a tuma lugá dianan 11 i 12 di desèmber último na Jamaica. E foro a keda presentá pa IJ Global & New Energy Events na Hilton Rose Hall na Montego Bay. Na opinion di sr. Holness, mester prepará e provishonnan nesesario pa islanan Karibense enfrentá di malu di situashonnan lokal manera situashon di wer i sistemanan di infrastruktura pa asina por kumpli ku demanda humanitario i ekonómiko riba e islanan.
Mas aleu Holness a deklará ku el a bisa e delegadonan na e foro ku CIBC FirstCaribbean Bank ta dispuesto na finansiá proyektonan ku ta yuda lanta resistensia i infrastruktura pa garantisá ku nan ta bira fuerte i asina logra un partisipashon mas amplio di invershonistanan i tambe pa logra lòs e potensial di infrastruktura den Karibe. Esaki ta un konduktor krítiko di kresementu ekonómiko, kresiendo e kalidat di infrastruktura ku un desviashon komun i koriente. E ta oumentá e tasa di kresementu ku algun porsentahe i ta drecha e kalidat di nos infrastruktura ku ta oumentá nos kresementu ekonómiko.
Segun Holness, den Karibe tabatin un kantidat di isla ku tin hopi nesesidat di mehorá nan infrastruktura ku ya kaba ta bieu, e no ta adekuá i den mayoria kaso e no ta kumpli ku e eksigensianan di awendia. Pim van der Burg, Managing Director Corporate & Investment Banking di CIBC FirstCaribbean ta e persona na kabes di un tim di profeshonalnan riba e tereno di invershon hopi dediká. Van der Burg: “ CIBC FirstCaribbean lo djòin ku nos klientenan korporativo i
soberano buskando solushon pa e retonan ku Karibe ta enfrentá, miéntras ku e gobièrnunan i lidernan den e region ta buskando e manera pa restourá i fortifiká e infrastruktura den nos region”.
El a sigui bisa: “Nos banko tin un historia largu di duna konseho riba i tambe finansiá proyektonan di infrastruktura kompliká. Tambe nos a ehekutá konsehonan signifikativo i mandatonan di merkado di kapital, nos a gana vários rekonosementu inkluso e prestigioso premio “IJ Global 2016 North America Port Deal of the Year Award”, pa nos ròl den e transakshon di 265 mion dòler merikano pa Kingston Container Terminal.
E foro CARIF 2017 a konsentrá riba un meskla di temanan relatá na vários sektor di infrastruktura inkluyendo energia, utilidat, aeropuerto, sistemanan di awa, salubridat i turismo. E diskushon den pènel a kubri tópikonan manera perspektiva pa Karibe kombiná ku e demanda pa infrastruktura i servisio relatá na esaki, krea bentahanan kompetitivo, logístika, kompra, finansiamentu, krea balor i plania infrastruktura ku resistensia na klima. E foro a konta ku oradónan manera Audley Shaw, minister di finansa i servisio públiko, Michael Lee-Chin, empresario Jamaikino/Kanades presidente di Portland Holding, David Burt premier i minister di fiansa di Bermuda i Sharlene Cartwright-Robinson premier di Turks & Caicos ku tambe a dirigí palabra durante di e foro. CIBC FirstCaribbean International Bank i KPMG tabata e spònsernan di e CARIF.