Willemstad – 30 di yüni 2014- E muchanan di Skol Chema Maduro/Angela Jessurun a risibí un sorpresa speshal resientemente durante di selebrashon di 30 aña di aniversario di e skol. E skol a selebrá e okashon memorabel aki ku un gran feria riba e plenchi di e skol.  CIBC FirstCaribbean International Bank tabata honrá pa por a partner ku e staf di e skol den transformá e selebrashon di e skol den un eksperensha riku na fantasia pa e muchanan. E muchanan bisti na nan shirt speshalmente pa e dia, a gosa di un gran kantidat di wega i a gosa di kos dushi i refresko. Skol Chema Maduro/ Angela Jessurun ta realmente un ikono di edukashon den e area di Montaña Abou.  Mayoria di e muchanan ku ta bishitá e skol ta biba den e bisindario. E staf di e skol, durante di e último 30 aña, ta traha pa garantisá ku e skol ta kumpli ku e espíritu di dedikashon na edukashon, algu ku tantu Sra. Chema Maduro komo Sra. Angela Jessurun, di kua e skol ta karga nan nòmber, tabata para pe.  E dia a kuminsá ku un akto ofisial.  E muchanan despues tabatin amplio oportunidat pa gosa di un mainta kompletu di wega riba e plenchi na skol, ku a keda transformá den un pais di fantasia. “Esaki ta pas ku e ambishon di CIBC FirstCaribbean pa enrikesé kalidat di bida den e komunidatnan ku nos ta sirbi.  Nos banko ta sumamente kontentu di por a kontribuí na e selebrashon di un logro asina grandi manera 30 aña di e skol” Lysaira Ortela, Marketing Manager di CIBC FirstCaribbean a bisa. “Nos ta orguyoso di ta parti di e evento ku ta honra esnan di kua e skol ta karga nan nomber na un forma ku nan lo a apresia esta ku e muchanan ta sentral den e selebrashon.  E kara alegre di e muchanan gosando di e varios weganan i kos dushi lo keda ku nos pa largu tempu” Ortela a bisa. Marie-Denise Hoyer- Henriquez, kabes di e skol, entusiasmá a bisa: “ Nos muchanan a gosa di e selebrashon.  Pa nan e tabata un berdadero soño ku a bira realidat.  Nos pa e motibu aki ta gradisi tur ku a hasi esaki posibel.  Un danki speshal na CIBC FirstCaribbean kende a kompronde nos meta i a sostene nos apropiadament den esaki.”